Actualités

Raikitra ny fifampitifirana Malaso roalahy maty tany Ambaravaranala

Actualités
Zoma 18 Aprily 2014

Notafihin’ny malaso 12 lahy mirongo barim-borona ny tanânan’Androtsy, Kaominina Soaloka, Distrikan’i Miandrivazo, ny 11 aprily. Niantsinanana nihazo an’i Bongolava ny dian’omby. Nanara-dia ny Zandary avy ao amin’ny tobin-janaparitra Soaloka sy ny Fokonolona ka nisy ny fifandonana ny tolakandron’ny 14 aprily. Naharitra ora iray teo ho eo izany tao amin’ny alan’i Morafeno, Fokontany Ambaravaranala, Kaominina Fiarenana, Distrikan’i Tsiroanomandidy. Dahalo roa no maty. Tafaverina tamin’ny tompony avokoa ny omby rehetra, nisy ny basy azo. Tsy nisy naratra na namoy ny ainy tamin’ireo mpitandro filaminana sy ny fokonolona nanara-dia.