Actualités

Raharaha Organ�s -Brunel Mizara ny hevitry ny polisy, mifanesisesy ny fanambarana

Actualités
Alakamisy 04 Novambra 2010

Ny alahady lasa teo dia nanao fanambarana ny fikambanan'ny polisy avy any Atsimo atsinanana izay fantatra amin'ny hoe � Grand Sud-Est �, ny alatsinainy kosa dia nisy fanambarana hafa nataon'ny fikambanana hafa koa.

Ny fikambanan'ny polisim-pirenena avy amin'ny faritra Vatovavy Fitovinany Atsimo Atsinanana ary Anosy izay fantatra amin'ny hoe FPFV3A no nandefa io fanambarana io. Ny votoatin'izany dia ny filazana fa tsy tompon'antoka amin'izay filazan'ny fikambanana Grand Sud Est ny FPFV3A. Raha ny filazan'ny tompon'andraikitra amin'io fikambanana io aza dia tsy misy akory io Grand Sud-Est io. Manahy izy ireo fa tsy ara-panjakana velively izany fikambanana izany. Mbola io loharanom-baovao io hatrany no nanamarika fa tsy misy afa tsy ny FPFV3A ihany ny fikambanan'ny polisy avy any amin'ny faritra atsimo iray manontolo. Entin'izy ireo hitenenana izany fa mety sandoka io Grand Sud-Est io sy ny fanambarana nataony. Asa indray izay mety ho fivoaran'ny raharaha Organès Brunel manoloana an'io fanambarana io. Fa hatreto aloha dia samy mbola tafapetraka soa aman-tsara amin’ny toerany izy mirahalahy.

r.d