Actualités

Raharaha FPVM Mihetsika aretina any am-ponja i Rija

Actualités
Talata 15 Febroary 2011

Gidragidra any am-ponjan’Antanimora amin’ny zava-mahazo an’i Rija amin’izao fotoana izao. Araka ny fantatra dia mihetsika ny aretiny ka mamono mihitsy ny lehilahy. Sahiran-tsaina ireo mpiandry fonja satria mila olona 14 any vao mahatazona azy. I Rija moa dia ilay tovolahy mpilalao fototra tamin’ilay horonantsary mamoafady natao tao amin’ny fiangonana FPVM. Efa voasazy higadra enim-bolana an-tranomiazina sazy mihatra i Rija araka ny fantatra. Ankoatra izay dia miaka-midina eny amin’ny fitsarana mila ho isan-kerinandro ity raharaha FPVM ity.

Omaly dia tokony ho notontosaina ny fitsarana ilay raharaha nandravana ny filankevi-pitantanan’ny fiangonana. Nisy nitory mantsy ny iray tamin’ireo mpanorina ity finoana ity ka tokony ho notontosana omaly ny fitsarana azy. Tsy tontosa indray anefa izany noho ny fangatahan’ny voampanga. In-droa nahemotra, araka izany, ity fitsarana ity.

Rakoto Maxime