Actualités

Raharaha FPVM MD ny efatra, pasitera ny iray

Actualités
Zoma 07 Janoary 2011

Nalefa eny Antanimora avokoa ny efatra tamin’ireo 7 voapanga mikasika ny raharaha horonantsary FPVM. Taorian’ny fanolorana ity raharaha ity omaly dia avy hatrany nentina teny amin’ny mpitsara mpanao famotorana ny raharaha. Ilay pasitera FPVM any Mahajanga, ilay hoe : Rija voalaza fa nalana devoly sy mpilalao fototra ao amin’ilay horonantsary, ny iray tamin’ireo mpiandry izay nanala ny devoly ary ilay mpaka sary, ireto voatana ireto. Navotsotra kosa ny mpiandry iray sy ilay vehivavy voalaza fa mpamosavy ka namporidana tao amin’ilay horonantsary ary i Karana voasambotra tany Mahajanga.

Nilaza moa ny mpisolovavan’ireo voampanga ireo fa tokony hisy ny fijoroana vavolombelona hoan’izay milaza fa tena fanalana devoly tokoa no natao tamin’io nanatontosana ilay horonantsary io na tsia. Ny 8 febroary izao no fantatra fa hatao ny famotorana ifotony ity raharaha ity. Mpitsara teo aloha no fantatra fa mpitory tamin’ity raharaha ity izay voalaza fa misolo tena ny filohan’ity fikambanam-pinoana ity. Mandeha koa ny resaka fa nanjakan’ny “intervention” avy etsy avy eroa ity raharaha ity.

Rakoto Maxime