Actualités

QMM � Fagnomba Mihenjana indray ny tady

Actualités
Alarobia 15 Desambra 2010

Mihevitra ny fikambanana Fagnomba, izay vaovao ny mpitarika, fa tsy voahaja ny fifanarahana nifanaovany tamin’ny QMM, orinasa mpitrandraka fasimainty ao Tolagnaro, teo anatrehan’ny Faritra Anosy ny 30 oktobra 2010 mikasika ny fandraisana mpiasa hiasa eo anivon’ity orinasa ity, ka hahazo tombondahiny amin’izany ny tanora ao Tolagnaro. Araka ny fantatra dia nisy avy amin’ity fikambanana ity tonga tao amin’ny biraon’ny Faritra, misy ny Guichet Unique misahana ny fandraisana mpiasa, ary nanimba fitaovana tao ary koa nanaparitaka taratasy tao.

Omaly dia nitety kartie nampiomana amin’ny hetsika hataon’izy ireo rahampitso alakamisy. Araka ny loharanom-baovao dia mandrahona hanao fitokonana indray ny avy amin’ity fikambanana Fagnomba ity, ary ahiana hiteraka fanelingelenana ny fifamoivoizana mihazo ny foibe fitrandrahana fasimainty ao Mandena ka hampikatso ny asa ao amin’ny QMM toy ny tamin’ny volana oktobra farany teo indray izany.

Nangonin’i Jean D.