Actualités

Paramed Hiverina hitokona

Actualités
Talata 04 Janoary 2011

Tapitra ny 27 desambra 2010 lasa teo ny fe-potoana nomen�ny sendikan�ny Paramed ny Fanjakana hahazoana valin-teny momba ny fitakian�izy ireo �grille indiciaire� na marikarama ho 1200.

Raha tsiahivina dia nanome folo andro ny FAT hamaliana azy ireo ny mpitsabo mpanampy nandritra ny filankevitra nasionaliny izay notontosainy teto Antananarivo ny 16 sy 17 desambra 2010. Tsy mbola nandrenesam-peo hatrany anefa ireo ministera telo voakasika mivantana amin’ny raharaha dia ny ministeran’ny fahasalamana, ny tetibola ary ny asam-panjakana hatramin’izao. Ireto farany izay nampanantena fa handinika lalina ny fangatahana ary hanome valiny amin’ny fotoana mampety azy. Efa nivalona anefa ny taona 2010 kanefa tsy mbola misy akory ny tohin’ny fampanantenana ka mahatsapa ho atao anjorom-bala ireo Paramed.

Manoloana ny ambarany fa fanaovana bemarenina azy ireo indrindra dia nanatanteraka fivoriana indray ireo biraon’ny sendika SISFM. Tapaka tamin’izany ary fa hiroso amin’ny fitokonana ny mpitsabo mpanampy amin’ity volana janoary ity. “Ao anatin’ny fandinihana ny paikady hitondrana ny tolona izahay izao ary efa nankato io fitokonana io avokoa ny rafitra eny anivon’ny faritra”, hoy i Aimé Rakotondrazafy, filohan’ny SISFM. Nambarany koa fa handefa taratasy fampandrenesana fitokonana 48 ora mialoha any amin’ireo an-tanatohatra rehetra izy ireo.

Yves