Actualités

Paositra Malagasy Miasa fa tsy mitokona izany

Actualités
Sabotsy 23 Jona 2018

Omaly zoma 22 jona no nanao hetsika lehibe tetsy amin’ny Tokontanin’ny Paositra Malagasy Alarobia ny mpiasa eo anivon’ny Paositra Malagasy.

Notarihin’ny Tale Jeneraly, Atoa Rakotomalala Augustin sy ireo tompon’andraikitra ambony ny hetsika. Nanome toky ny mpanjifa izy ireo fa hanome fahafaham-po sy hanaja ary tsy hanapaka ny asany. Orinasa mamelon-tena 100% ny Paositra Malagasy ary misy ny fatiantoka raha vao manapaka ny asany araka ny tatitry nataon’izy ireo. Fanomezan-toky ho an’ny mpanjifa araka izany ity hetsika nataon’ny mpiasa maherin’ny 500 ity ary nisy ihany koa ny fampahafantarana ireo tolotra sy vokatra atolotr’izy ireo. Ankoatr’izay dia nanambara ny Tale Jeneraly fa hiaro hatramin’ny farany ny tombotsoan’ny orinasa satria mahasaro-piaro ireo teknisian’ny paositra ny mety ho fahasimban’ny sehatra postaly. Araka izany dia misokatra sy miasa avokoa ireo Biraon’ny Paositra manerana ny nosy ary mandray ireo mpanjifa amin’ny fotoana mahazatra.

Tsiry