Actualités

Partagé sur :
• facebook

Nampahafantarina omaly alarobia 8 aogositra tetsy amin’ny minisiteran’ny paositra sy ny fifandraisan-davitra ary ny fampivoarana ny haitao ara-kajy mirindra (MPTDN) tetsy Antaninarenina ny fisian’ny ilay vokatra vaovao fandefasam-bola sy fandraisam-bola avy any ivelany.

 Nanambara ny tale jeneralin’ny Paositra, Andriamatoa  Rakotomalala Augustin fa hisy ihany koa ny fifanarahana sy ny fifanakalozana traikefa amin’ireo firenena hafa tahaka an’i Tonizia sy i Côte d’ivoire ary Oganda izay hanatsarana hatrany ny kalitao sy ny vokatry ny paositra Malagasy atolotra ho an’ny mpanjifa. Mbola nanantitrantitra ny tombontsoa azo amin’ny fiombonamben’ny paositra aty Afrika (Upap) tahaka ny fanampiana ara-teknika sy ny fanaraha-maso ireo tolotra vaovao ny tale jeneraly. Ankoatra izay, hitombo ny tsena hosahanin’ny paositra Malagasy, indrindra amin’ny sehatra iraisam-pirenena  noho izy hiditra amin’ny varotra elektronika (e commerce). Fa Mahakasika ny tolotra fandefasam-bola avy eto mankany ivelany kosa dia nitanisa ny tombontsoa azon’ny mpanjifa ny paositra Malagasy toy ny fihenan’ny vola aloa ho antsasany amin’ny fandefasana ny vola (virement international). Eo ihany koa ny tombony amin’ny taham-bola (taux de change) satria dia tena manakaiky ny an’ny banky foibe ny an’ny paositra ka hiteraka tombony amin’ny mpanjifa rehefa mandefa vola any ivelany izy ireo.

Tsirinasolo

Tia Tanindrazana

Samia mijoro ho an'i Gasikara.