Actualités

Olga Vaomalala Nahatsiaro manokana ireo reny rava trano tetsy Ankadimbahoaka

Actualités
Alatsinainy 26 Mey 2014

Na dia tsy minisitra eo amin’ny fitondram-panjakana intsony aza ny tenako, hoy Rtoa Olga Vaomalala omaly tetsy Ankadimbahoaka misy an’ireo olona rava trano noho ny fifanolanana amin’ny Filatex dia mahatsiaro tena manana adidy amin’ny fanampiana ny mpiarabelona ny tenako ka tonga mitondra sakafo ho azy ireo izahay mivady, hoy izy, ary niara-nihinana izany tamin’izy ireo mba ho mariky ny firaisan-tsaina sy firaisankina. Io tsy fisian’ny firaisankina io, hoy izy, no mahatonga ny vahiny hanivaiva antsika ka mahatonga azy hanao izao mihatra amin’ireto traboina ireto toy izao. Mampahery izahay mivady, hoy Rtoa Vaomalala, ary manao antso avo amin’ny mpitondra mahefa mba tena hijery akaiky anareo.