Actualités

Nitokona ho an’ny fanovana Mpiasan’ny ladoany 98 tapaka karama

Actualités
Alakamisy 30 Aogositra 2018

Hanao grevy mandritra ny roa andro, ny 30 sy 31 aogositra ny mpiasan’ny fadintseranana ho fanehoana firaisankina amin’ireo naman’izy ireo miisa 98 tapaka karama, hoy i Andrianavalona Herizo, filohan'ny Sendikan'ny Mpiasan'ny fadintseranana na ny SEMPIDO.

Araka ny fanazavan’ity farany dia noho ireo mpiasa ireo nanaraka fitokonana, nandritra ny hetsika ho an’ny fanovana nanomboka tamin’ny 21 aprily 2018 niseho teto amin’ny firenena no henon’izy io ho anton’ny fanapahan-karama. Koa ho fanehoana tsy fankasitrahana ny fanapahan-kevitry ny minisiteran’ny Fitantanam-bola nanao io fanapahan-karama io, ihany koa no anton’io fitokonana roa andro io, raha ny fanazavan’ity filohan’ny SEMPIDO hatrany. Tsy to teny na koa tsy misy mpihaino ve ny praiminisitra lehiben’ny governemanta Ntsay Christian raha nanome toromarika amin’ny tsy hanasaziana na hanapahana karama ireo mpiasam-panjakana nandray anjara tamin’ireny hetsi-bahoaka nitaky fanovana ireny, matoa misy indray fanapahan-kevitra mifanohitra amin’ny toromarika nomeny ?

Jean D.