Actualités

Mponin�i Toliara Misotro rano maloto, mirongatra aretin-kibo

Actualités
Alakamisy 12 Febroary 2015

Nitondra faisana taorian�ny fandalovan�ny rivodoza Fundi tany amin�ny faritra Atsimo Andrefana. Misotro ranom-potaka maloto tsy ara-pahasalamana amin�izao ny 95 %-n�ny mponina any amin�ny distrikan�i Toliara II

. Betsaka amin’ireo tanàna manamorona ny renirano Fiherenana no mantsaka eo, ka tsy maintsy misotro ny ranom-potaka mena avy amin’ity renirano ity. Ireo lavitra na ambony toerana kosa maka rano miandrona eny rehetra eny. Vokany, mirongatra ankehitriny ny aretin-kibo ary lasibatra ireo marefo (zaza, vehivavy bevohoka, antitra). Misotro ranom-potaka ihany koa ireo mponina ao an-tampon-tanànan’i Toliara izay mantsaka rano amin’ny vovo, satria tsy mamaly ny filan’ny rehetra ny paompin-dranon’ny Jirama.

Maro ireo tsy afa-mitsabo tena

Ambonin’izany, manampy trotraka amin’ny fiparitahan’ny valanaretina vokatry ny loto ny fanaovan’olona maloto (diky) eny rehetra eny, indrindra ny amoron-drano noho ny tsy fisiana na tsy fahampian’ny trano fivoahana. Mbola olana misakana ny fomban-tany (tsy mandevin-tay). Vokatry ny rano miandrona tsy mbola mihena masiso amin’izao, dia mirongatra ny aretin-koditra ary mampandamaka ny maro tsy afa-mamindra ny baibay amin’ny tongotra. Betsaka ireo marary tsy afa-mitsabo tena na ny hohanina aza manahirana.

Eric R.