Actualités

Mpiasa Malagasy avy any Liban 160 tapitrisa Ar. ny saran�ny fampodiana

Actualités
Alarobia 09 Febroary 2011

Tapaka tamin’ny filankevitry ny ministra fa horaisin’ny fitondrana an-tanana ny fampodiana ireo tovovavy miasa any Liban nanana olana ara-pitsarana tany sy ireo te hody an-tanindrazana. Hisy fiaramanidina halefa any an-toerana haka ireto teratany Malagasy ireto. Araka ny fantatra dia mitentina 160 tapitrisa ariary ny saran’ny fampodiana azy ireo. Olona 110 no antonona ao amin’ilay fiaramanidina izay halefa any an-toerana.

Efa ela tokoa moa no nisy fampanantenana natao tamin’ireo ray aman-dreny manan-janaka miasa any, fa hampodiana ny zanak’izy ireo. Manodidina ny 13 kosa ireo tovovavy Malagasy maty ary tonga soa teto an-tanindrazana avokoa ny nofo mangatsiakan’izy ireo, rehefa nahitana ratra sy diam-bono teny amin’ny vatany. Fantatra fa maherin’ny 110 ireo maniry te hody avy any Liban, ary antenaina mba ho tonga an-tanindrazana avokoa izy rehetra ireo fa tsy hisy ho tavela any indray.

Rabe