Actualités

Mitaraina ny tantsaha any Alaotra Tratry ny tsindrihazolenan’ny Fanalamanga…

Actualités
Alatsinainy 17 Septambra 2018

Nijoro nanomboka ny volana aogositra 2017 ny Fikambanan’ny tantsaha faritra Alaotra.

Mpikambana an’alina izy ireo ary ao anatin’ny faritra ahitana ny fanalamanga, izay nidina an-dalambe ny herinandro nivalona teo. Tonga ny mpiasan’ny Fanalamanga niaraka tamin’ny miaramilan’ny DAS (Détachement Autonome de Sécurité) niaraka tamin’ny fitaovam-piadiana miaro fandrahonana sy fanongotana barazy. Antony dia tsy avela mipetraka amin’ny tany nonenany hatramin’izay, raha ny fitarainana. Tsy avela hitrandraka na hamboly fa roa 2 metatra miala amin’ny sisin-tanimbary ihany no azo ipetrahana sy volena. Raha sendra mba misy tantsaha mitondra saribao kely roa gony hatrany Maheriara Morarano Chrome hatrany Antsirinala, dia enjehina sy alaina an-keriny kanefa io no mba hiveloman’ny mponina. “Ny DAS ve natao hiaro ny vahoaka sa ny tombontsoan’ny Fanalamanga ?”, hoy izy ireo. Miangavy ny mpitondra fanjakana hijery akaiky ny zava-misy izy ireo fa sao hivadika zavatra hafa ity raharaha ity, hoy hatrany ny fanehoan-kevitr’ireo tantsaha eo anatrehan’ny fahatsapany fa iharan’ny tsindrihazolena ry zareo.

Toky R