Actualités

Minisitry ny fitsarana “Tsy mbola afaka i Claudine Razaimamonjy”

Actualités
Sabotsy 15 Septambra 2018

Manoloana ny didy navoakan’ilay rafitra miady amin’ny kolikoly eto amintsika na ny PAC (Pole anti-corruption),

izay nahatonga resabe fa afaka madiodio manoloana ireo fiapangana maherin’ny 10 isa mikasika kolikoly avo lenta ny mpandraharaha sady mpanolotsain’ny filoham-pirenena teo aloha, Claudine Razaimamonjy dia nitondra ny fanazavany ny minisitry ny fitsarana, Noro Vololona Harimisa. Ny PAC, hoy izy, dia rafitra tsy miankina. Tsy afaka mibaiko azy ny fitsarana. Hajaina ny didy avoakan’ity rafitra ity na mahafa-po na tsia ny fitsarana. Diso kosa anefa ny filazana fa afaka madiodio ny mpandraharaha, Claudine Razaimamonjy. Ampahany tamin’ny fiampangana mikasika azy ihany no efa nivaly fa mbola maro ireo tsy nivaly. Mikasika ny fifaninanana hidirana ao amin’ny sekoly ambony momba ny fitsarana izay niteraka resabe ihany koa moa dia nilaza ny minisitra Noro Vololona Harimisa fa efa hivaly tsy ho ela izany.

J. Mirija