Actualités

May kila forehitra ilay fiara 404 Bachet Mpandeha am-polony no naratra mafy

Actualités
Talata 24 Febroary 2015

Mpandeha tamina fiara 404 bachet iray no niharan-doza. Zotra mampitohy an'Amboasary Atsimo sy Tolaganro. Tao amin'ny tan�na Manatantely La Cascade no nitranga ny loza ny alahady faha 23 febroary tamin'ny 6ora hariva

. Tsy fantatra marina izay tena antony fa nivadika tampoka teo ilay fiara ary tsy nisy horaisina na dia kely aza satria tsy vitan'ny hoe simba fa mbola kila forehitra (may tsy nisy azo noraisina). Saika naratra avokoa ireo mpandeha. Voalaza fa akoatra ny fandehanana mafy sy ny taingim-be no tsy tompon'ny tenany ilay mpamily. Amin'izao fotoana andefasana ny vaovao izao, mbola manaraka fitsaboana ao amin'ny C.H.R.R. Amboanato ireo naratra ireo. Ny telo amin'ireo tsy mbola nahatsiaro tena vokatry ny dona mafy nahazo azy ireo. Na teo aza ireo voatanisa teo aloha anisan'ny nahatonga ny loza ny maha antitrabe ny fiara. Tokony mba hosarotiny ireo mpitandron'ny filaminana manoloana ny tranga toy izany.Ain'olona raha teo no arovana.

OTH