Actualités

Marovato �Andilamena Mpibizina novonoin�ny dahalo

Actualités
Talata 13 Mey 2014

Miverina faritra mena amin�ny asan-jiolahy ankehitriny ny Distrikan�Andilamena. Lasibatra amin�izany ireo mpanao aferam-bolamena sy ny mpivaro-mandeha.

Mpibizina volamena iray no nifanehitra tamin’ny dahalo ny herinandro lasa teo tao Marovato Andilamena. Malaza ho mora volamena any an-toerana ka mifandrombaka mandeha any avokoa ny ankamaroan’ireo mpibizina ireny harena ankibon’ny tany ireny. Efa manara-maso ny fahatongavan’izy ireo koa anefa ny jiolahy. Raha ity tranga tao Marovato ity dia nampalahelo satria ny volamena kely mba voangona lasan’ny dahalo, ny vola teny am-pelatanana nentin’ireo tsy valahara ary ny aina nafoy. Nanomboka ny faran’ny herinandro teo dia nidina any ambanivohitra mikaroka ireo izay heverina fa olon-dratsy tsy mampandry fahalemana ny Distrikan’Andilamena ny mpitandro ny filaminana any an-toerana. Mampitandrina izy ireo fa tsy hitsitsy ho an’ireo izay tsy tan-dalàna ka mampihorohoro iny Distrika iny.