Actualités

Kaomisiona fampihavanam-pirenena Tsy nanam-bola dia tsy raikitra ny fivoriana

Actualités
Alakamisy 20 Janoary 2011

Omaly no daty voatondro fa hanaovan’ny Vaomieran’ny fampihavanam-pirenena ao amin’ny Kongresin’ny tetezamita fivoriana any Ampefy. Najanona tamin’ny ora farany anefa izany rehefa nitaraina ny mpikambana fa tsy manam-bola. Tsy raikitra, araka izany, ny fivoriana ary samy nody ireo olon’ny Kongresy. Ny fanontaniana mipetraka dia ny hoe : tsy misy toeran-kafa azo nanaovana ny fivoriana ve ankoatra ny tany Ampefy ? Raha ny marina mantsy dia tokony hanana efitra manokana fanaovana an’izany ao amin’ny Kongresy. Sa kosa ve hirevy fotsiny ny saika hatao tany Ampefy ? Anjaran’ny tsirairay ny mieritreritra. Mbola eo anivon’ny Kongresy ihany dia fantatra ihany koa fa manomboka mampiaka-peo ny sasany amin’ity mpikamban’ny Kongresy ity noho ny tsy mbola nivoahan’ny karnen-tsolika tamin’ity volana ity.

r.d