Actualités

Kaominina Manambaro Andro fety indray vao tsy nisy jiro

Actualités
Talata 04 Janoary 2011

Ny 31 desambra 2010 no efa nafoy ny Jiro tao amin’ny renivohitry ny Kaominina Manambaro, distrika Tolagnaro, Faritra Anosy, dia nitohy ny andron’ny taom-baovao. Mandeha tsy tapaka anefa ny jiro andavan’andro. Orinasa tsy miankina no misahana ny famatsiana herinaratra ao amin’ity Kaominina ity. “Miala sasatra”, izay no feo re avy any an-toerana ka nitarika io fahabangana io. Sorena ny mpanjifa teo anatrehan’izany satria amin’ny fotoana tena nilana ny herinaratra indray no tsy nisy izany. Mazava fa sady tsy nisy fety vanona ny an’ny ankamaroan’ny mponina tao amin’ity renivohitry ny Kaominina ity, no tsy nahara-baovao ihany koa. Ireo nanana gropy na “panneaux solaires” no afaka nampiasa fitaovana mampiasa herinaratra. Vitsy anefa izy ireo, fa ny daholobe dia nionona tamin’ny jiro solitany sy ny labozia. Tsy afa-manoatra rahateo izy ireo satria tsy miankina no misahana azy ity. Araka ny fantatra dia efa nisahana famatsiana jiro tany Tsivory ity orinasa mpamatsy herinaratra ao Manambaro ity talohan’ny nifindrany ao, fa nanana olana tany, nefa izao mampitaraina ny mpanjifa izao ihany koa.

Jean D.