Actualités

Kaominina Ivato Napetraka ny trano fitehirizam-bola

Actualités
Zoma 31 Aogositra 2018

Notokanana tamin’ny fomba ofisialy omaly alakamisy 30 aogositra ny trano fitehirizam-bola vaovaon’ny minisiteran’ny asam-panjakana sy ny kaominina eny Ivato.

Ho fanatsarana ny tolotra sy ny fiarovana ny fitehirizam-bola no antony sy mba ahazoan’ny mpisehatra rehetra tombony amin’ny fampiasana izany. Tonga nanokatra tamin’ny fomba ofisialy ny trano vaovao ny minisitry ny fitantanam-bola sy tetibola, Vonintsalama Andriambololona sy ny tale jeneralin’ny fitahirizam-bola Herivelo Andriamanga. Tsiahivina fa miandraikitra ny kirakira momba ny fampidiram-bola sy ny fandaniam-bolam-panjakana ny fitahirizam-bola eny anivon’ny minisitera ary handoavana ny fisotroan-dronono sy ny karaman’ny mpiasam-panjakana. Tombanana ho 3500 ny mpisotro ronono ary 504 ny mpiasam-panjakana hahazo tombony amin’ity fotodrafitrasa vaovao ity. Mamaha olana izy ity satria tsy voatery hiakatra an-drenivohitra ireo mpaka vola, indrindra ireo beantitra misotro ronono mipetraka manodidina eny Ivato fa any dia azo raisina.

Tsirinasolo