Actualités

Kaominina Antsirabe Fitokonana mifono politika

Actualités
Talata 21 Desambra 2010

Nisy andiana mpiasa nitokona teo anoloan’ny biraon’ny Kaominina Antsirabe omaly, nitaky karama volana novambra sy fanohanana ara-tsosialy. Araka ny fantatra dia ireo mpandray vola amin’ny banky no nisy fahatarana ny karama noho ny fandaminana teo anivon’ny Trésor fa nahazo ny azy ny mpandray “bon de caisse”. Mifono politika ihany anefa ny hetsika satria nokendren’ireto andiana mpiasa ireto ny fandalovan’ireo ministra FAT nanao piknika sady namboly hazo tany nisehoana mba hanaratsiana endrika ny fitantanana ao amin’ny Kaominina. Araka ny fantatra dia misy olona efa-dahy notorian’ny Kaominina taorian’ny fanadihadiana nataon’ny FAT farany teo satria banga 480 tapitrisa ny vola narotsany tany amin’ny Trésor ny taona 2010 ka efa naato tamin’ny asany izy ireo ka asa raha ireo no ao ambadiky ny hetsika satria misy olona te hiasa fa rahonan’izy ireo.