Actualités

Jiolahy raindahiny Voatifitra ihany koa i Gobline

Actualités
Zoma 25 Aprily 2014

Sarona tsikelikely ireo jiolahy raindahiny mpanao fanafihana mitam-basy tao Antsirabe. Taorian�i Liva banga dia maty voatifitra ihany koa i Gobline.

Taorian’ny fanafihana nataony ka nahatrarana ny namany telo lahy dia nanaovana "avis de recherche" sy fampahafantarana tamin’ny haino aman-jery mba hitolo-batana ity jiolahy ity. Ny alarobia 23 aprily, tokony ho tamin'ny valo ora alina dia nahazo vaovao ny polisim-pirenena fa tonga ao an-tranony eny atsinanan'Ivohitra ity jiolahy karohina ity. Nidina teny an-toerana avy hatrany ny polisy hisambotra azy. Saika hanohitra ary namoaka ny basy tany aminy i Gobline vonona hitifitra, saingy ny an’ireo mpitandro filaminana no tonga aloha ka ny lohany no voan’ny bala ary maty teo no ho eo. Mbola tratra teny aminy rahateo ilay basy P.A fampiasany niaraka tamin’ny bala roa 9mm tsy mbola nipoaka. Rakotomalala Olivier no tena anarany ary tena jiolahy raindahiny, mpitarika ny fanafihana mitam-basy maro nifanesy tao Antsirabe izy raha ny nambaran'ny polisy ihany.