Actualités

Jiolahy raindahiny Lavon�ny polisy i Liva Banga

Actualités
Zoma 18 Aprily 2014

Lavon’ny balan’ny polisim-pirenena i Liva Banga, anisan’ireo jiolahy raindahiny tamin’ny asa fanafihana nitranga tao Antsirabe tato ho ato. Ny alakamisy tokony ho tamin’ny 9 ora maraina no saika nisamborana azy ity teny amin’ny manodidina ny Fokontany Tsivatrinikamo. Nanohitra i Liva Banga ary namoaka basy ka saika hitifitra ireo polisy tonga hisambotra azy saingy ny an’ireto farany no tonga aloha. Voatifitra teo amin’ny tratrany i Liva Banga ka nitolefika. Nentina namonjy hopitaly fa tsy tana ny ainy. Basy vita gasy iray miaraka amin’ny bala miisa roa no tratra teny aminy.