Actualités

Inona no mitranga ? May volon-tratra ny Frantsay

Actualités
Alarobia 16 Febroary 2011

Manao rodobe ny OIF (Vondron’ny tany mampiasa amin’ny ampahany na manontolo ny teny frantsay hanampy amin’ny fikarakarana fifidianana, mandalo ny avy amin’ny COI (Vaomieran’ny ranomasimbe indianina) hanome tanana tamin’ny famahana ny krizy, sesilany ny fiavin’ireo fikambanam-paritra any Frantsa, toy ny misy ankehitriny isian’ny iraky ny Région île de France, manamafy fiaraha-miasa amin’ny Kaominina Antananarivo renivohitra. Tsy mijanona eo fa re koa izao fa ho avy eto ny ministry ny fiaraha-miasa frantsay, Henri de Raincourt, amin’ny zoma izao, hanetsiketsika ny tetikasa vatsian’ny masoivoho frantsay momba ny fampandrosoana na AFD vola.

Ankoatra io dia ho avy eto manomboka anio alina koa ny filoha kaomoriana Ahmed Abdallah Mohamed Sambi sy ny delegasiona tarihiny. Hijanona eto hatramin’ny alatsinainy izy ireo. Fitsidihana ofisialy moa no nambara fa hataony amin’izany. Ho an’ny FAT dia midika ho fankatoavana ny fitondrany io dia io. Tany mpikambana ao amin’ny COI i Kaomoro. Anatin’ny manapitra fotoam-piasana maha filoham-pirenena voafidim-bahoaka azy ingahy Sambi, ka karazana fialantsasatra ihany ny azy izao.

Jean D.