Actualités

« Imprimé » kara-panondro tsy misy Tsy ampy vola ny fanjakana

Actualités
Sabotsy 14 Jolay 2018

Miteraka resa-be eny anivon’ny fiarahamonina tato ho ato ny tsy fisian’ny “imprimé” eny anivon’ny kaominina maro samihafa hanamboarana ny kara-panondrom-pirenena.

Ho an’ny kaominina Bemasoandro Itaosy manokana dia efa roa volana latsaka izao no tsy nisian’izany intsony, hoy ny Ben’ny tanàna Rakotomandimby Jean Martial. Voatery averin’izy ireo avokoa ireo tanora feno 18 taona hanamboatra kara-panondro tonga manatona azy. Toraka izany koa ireo very na hanolo, indrindra fa ho an’ireo mihoatra ny folo taona. Raha ny fanadihadiana natao teo anivon’ny minisiteran’ny atitany dia vokatry ny tsy fahatongavan’ny vola avy amin’ny fitondram-panjakana hanamboarana io “imprimé” io no tsy mampisy azy ankehitriny. Ny minisiteran’ny vola sy ny tetibola no mandray izany mivantana ary alefany avy hatrany any amin’ny tranompirintim-pirenena izay mpanonta azy ireny fa tsy misy mandalo eo anivon’ny minisiteran’ny atitany intsony na dia ireto farany aza no mangataka. Tsy mbola tonga anefa hatreto io vola avy amin’ny fitondram-panjakana io ka tsy afaka manonta ny tranompirintim-pirenena. Raha tsiahivina, efa-bolana sisa dia hiatrika fifidianana filoham-pirenena isika eto Madagasikara izay tsy maintsy ilana kara-panondro.

Pati