Actualités

HJRA Lasa manafim-baovao

Actualités
Talata 15 Febroary 2011

Nanomboka ny voalohan�ny taona teo no tsy azon�ny mpanao gazety hivezivezena intsony ao amin�ny HJRA izay anisan�ny loharanom-baovao matetika.

Tsy afaka mahazo vaovao intsony raha tsy mahazo alalana any amin’ny “Direction”. Izay hatrany no miverimberina isaky ny manao ny asany ny mpanao gazety. Rehefa nohadihadiana dia niainga tamin’ny olana anatiny no nahatonga izany. Nisy dokotera iray izay nilaza tamin’ny voalohan’ny taona fa tsy ampy ny mpitsabo mpanampy eo anivon’ny HJRA ka lasa nanavesatra ny asa nandritry ny faran’ny taona izany. Dia novoizin’ny gazety arak’izay ny vaovao kinanjo tsy nahafaly ny lehibe tao amin’ny hopitaly sy ny ministera. Nanomboka teo dia nisy “note de service” fa tsy mahazo maka vaovao intsony na koa tsy mahazo miresaka amin’ny mpanao gazety intsony ny

mpitsabo. Ny tokony ho fantatr’izay tompon’andraikitra izay nanao io “note de service” io dia ny hoe tsy ho an’ny mpanao gazety akory ny vaovao fa ho an’ny olom-pirenena tsirairay avy izay manan-jo hahalala ny zava-misy sao mba havany no niharam-boina. Ny tsy fanomezana vaovao toy izao izany dia midika fa manafim-baovao ny HJRA na koa hoe manafina ny ratsy…

r.d