Actualités

Hasarotam-piaro tafahoatra Nofirafirainy antsibe ny vadiny

Actualités
Zoma 13 Janoary 2023

Ny 23 desambra 2022, tokony ho tamin'ny 8 ora alina, rehefa tsy faly tamin'ny vadiny noho ny resaka hasarotam-piaro tafahoatra I Randriamamonjy Fidelis na Mamonjy,

31 taona, mpamboly, monina ao Soarivo, kaominin'Ankotrofotsy, distrikan'i Miandrivazo dia nofitahiny io vadiny io mba handeha hanatitra azy handro. Rehefa tonga tany anefa, nofirafirainy tamin'ny antsibe tsy nananany antra mihitsy ravehivavy, hoy ny fampitam-baovao voaray. Na nandositra aza i Mamonjy taorian'izay dia voasambotra tao an-tranon-drainy izay monina ao Antsoha ny 24 desambra 2022. Mbola manaraka fitsabona ao amin'ny tobim-pahasalamana eto Ambatolahy ilay ramatoa, amin'izao fotoana izao. Mamonjy kosa efa notazonina am-ponja vonjimaika ao Miandrivazo, raha ny fampitam-baovao voaray avy eo anivon’ny borigadin’ny zandarimaria ao Ambatolahy hatrany.

J. Mirija