Actualités

Halatra fiara Misy mpanao gazety voarohirohy

Actualités
Talata 14 Desambra 2010

Roa volana izay no nisy nanafika ny fiarana mpanao gazety mpivoaka isan�andro eto an-drenivohitra izay nitondra ny mpiasa alina.

Nambanana basy ireo mpiasa an-gazety tao anaty fiara ary nalaina ilay mazda izay tsy hita nanomboka teo ny nanjavonany. Afak’omaly dia nanomboka tsy hita i R.T ary maty rahateo ny findainy. Tsy nisy nahalala izay misy azy mihitsy na ny fianakaviany na ny mpiara-miasa aminy. Fantatra anefa fa notazomina teny amin’ny zandary misahana ny heloka bevava ny tenany omaly ary nohenoina momba io resaka fiara very io. Voalaza fa tao anatin’ilay fiara izy tamin’ny fotoana namelaran’ny zandary ny fandrika. Omaly indray anefa dia nolazaina fa notazomina izy mba hatao vavolombelona fotsiny ihany ( ?!). Ny zava-nisy aloha dia nisy ny fisamborana azy sy ny mpiara-miasa aminy roa.

Mpanao gazety akaikin’ny FAT i R.T ary nanenjika hatrany ny olona akaiky ny Filoha Ravalomanana ao anaty lahatsorany. Izao anefa dia voatana eny amin’ny zandary izy ary voarohirohy amina halatra fiara. Asa raha mba handeha amin’ny tokony ho izy ny fanadihadian’ny zandary na koa misy indray ny tsindry bokotra avy any ambony ka handeha ho azy amin’izao ny raharaha. Ho hita eo ny fangaraharan’ny fiasan’ny mpitandro ny filaminana satria heloka bevava ity raharaha ity : fanafihana mitam-basy, firaisana tsikombakomba amin’ny halatra ary fikasana hivarotra fiara halatra…

Nangonin’i Jean D.