Actualités

HAFARI Malagasy Hitety faritra hanentana momba ny rafitra fokonolona

Actualités
Sabotsy 26 Mey 2018

Hitety faritra hanentana momba ny rafitra fokonolona ny fikambanana HAFARI Malagasy. Raha araka ny fanazavan’ny filoha nasionaliny Rafanomezantsoa Jean Nirina omaly dia ny fiverenana amin’ny rafitra fokonolona ihany no hahafahana mampandroso ny firenena.

Any Toamasina no hisantaran’ny fikambanana izany manomboka anio, entina hanomezan-danja ny 80 %-n’ireo Malagasy izay nomarihiny manokana fa mbola nisy naneho ny heviny hatreto. Tolona hatrehinay izany hoy izy fa tsy vita mora saingy tsy maintsy hatao hanavotana ny mpiray tanindrazana. Tsy nanadino ireo mpanao fanatanjahantena eto an-drenivohitra ny fikambanana omaly. Ekipa roa no indray notolorany fanamiana tetsy 67 ha omaly dia ny XV SERAA avy ao Ambodirano sy ny XV avy ao Andohatapenaka. Fitiavana tsy misy takalony, hoy Rafanomezantsoa Jean Nirina no antony hanaovany izany mba hisian’ny fifanomezan-tanana eo amin’ny samy Malagasy. Mikasika ny raharaham-pirenena ankehitriny moa dia nomarihin’ity filoha nasionalin’ny fikambanana HAFARI Malagasy ity fa ny firosoana mankany amin’ny fifidianana ihany no tena vahaolana mahomby.

Pati