Actualités

Fpvm Marisarisa

Actualités
Talata 08 Febroary 2011

Mivoatra hatrany ny resaka Fpvm amin’izao fotoana izao. Miseho lany ny tsy fitovian-kevitra eo amin’ireo samy mpitarika taorian’ilay resaka horonantsary mamoafady. Omaly no tokony ho notontosaina tao amin’ny efitra faha-7 eny amin’ny lapan’ny Fitsarana Anosy ny fandinihana ny fitoriana nataon’ny mpikambana iray anisan’ny mpanorina ity finoana ity ny pasitera mpitantana ao. Ity farany izay nangataka didy avy amin’ny Fitsarana ahafahany nandrava ny filankevi-pitantanana sy ireo mpikambana amin’ny sinoda rehetra.

Nahazo io didim-pitsarana io tokoa ny tenany. Didy fampiatoana io didy azon’ny pasitera mpitantana io no nangatahan’ireo mpikambana sasany tao amin’ny komity mpanorina ity finoana ity ny fampiatoana azy. Tsy tontosa anefa izany fa nahemotra ny 14 febroary izao. Marisarisa araka izany ny fiainam-piangonana ary ahiana mihitsy aza ny hivakisan’ny Fpvm ho roa raha efa nisintaka ny Fkfm amin’izao fotoana izao.

Rakoto Maxime