Actualités

Fitsarana Anosy Hitokona ny mpiraki-draharaha

Actualités
Alakamisy 09 Desambra 2010

Nahena ny «prime» an’ny mpiraki-draharaha amin’ity faran’ny taona ity. Tezitra noho izany izy ireo ka nifamory teny amin’ny lapan’ny Fitsarana Anosy omaly. Araka ny fantatra mantsy dia noho ny fitakian’ny Sendikan’ny mpitsara dia handoavana ny volan’ireto farany ny vola tokony handoavana io «prime»-n’ny mpiraki-draharaha io. Fandray isan-taona ity vola ity kanefa raha efa voasoratra fa iray tapitrisa ariary izany amin’ity dia nahena ho telo hetsy ariary indray. Tsy manaiky ny mpiraki-draharaha ka hisy ny fihaonan’izy ireo amin’ny ministry ny Fitsarana anio. Raha tsy misy fanapahan-kevitra dia efa nilaza ireo mpiraki-draharaha omaly fa hiafara amin’ny fitokonana ihany koa ity fitakian’izy ireo ity. Raha ny tomban’ny maro tamin’izy ireo kosa omaly nandritra ity fivoriana ity dia ho sarotra ho an’ny ministra ny hanatanteraka ny hetahetan’izy ireo. Raha hisy koa ny fitokonana dia azo antoka fa hitatra hatramin’ny taona 2011 izany. Ny 15 desambra izao mantsy no hisy ny fialan-tsasatry ny Fitsarana.

Rakoto Maxime