Actualités

Fitateram-bahoaka Mety hisy navety hiditra eto an-drenivohitra

Actualités
Zoma 12 Aogositra 2016

Mety hisy navety hiditra eto an-drenivohitra. Ny kaominina no handray an-tanana izany, hevitra izay tsy tongatonga ho azy akory, fa niainga avy tamin�ny hetahetam-bahoaka.

Na dia betsaka aza mantsy ireo taksibe eto an-drenivohitra dia saika tsy mahafa-po ny rehetra ny kalitaon’ny asa hatolotr’izy ireo. Voalohany amin’izany ny tsy fahalalam-pomban’ireo mpamily sy ny mpanampy azy sasany izay tsy manisy hasiny na dia kely monja aza amin’ny mpandeha matetika, ny seza avofoany izay efa mila tsy azo hipetrahana intsony ny an’ny sasany, ny fahadiovan’ny fiara ary indrindra ny fodiana aloha sy ny tsy fanaterana ny mpandeha hatrany amin’ny farany, mandrapahatongan’izay ora hifanarahana. Ny navety no heverin’ny rehetra fa hamaly ireo filàna fototra tadiaviny amin’ny fitaterana ireo. Hiantso tsy ho ela ireo mpandraharaha vonona hanaja ireo fepetra ireo ny kaominina izay tsy natao ho an’ireo mafana fo am-boalohany fotsiny. Anisan’ny tena hitadiavan’ny mpanjifa ny navety ihany koa moa ny mba hahafahana miantoka araka ny tokony ho izy ny fiarovana ny ain’izy ireo sy ny fananany manoloana ny firongatry ny mpangarom-paosy ankehitriny.