Actualités

Partagé sur :
• facebook

Samy manana ny fitakiany ny mpampianatra mpikaroka (SECES), ny mpandraharaha ary ny mpianatra eo anivon’ny oniversiten’Antananarivo, fa eo ihany koa ny fitakiana itambarana.

 Iraisan’ny rehetra ny fiaraha-mitaky ny fanalana ny “Agent Comptable” eo anivon’ny oniversite sy ireo ivontoerana nasionaly, izay heverina avy hatrany fa misy mampiahiahy ny fitantanana ara-bola matoa tonga amin’izany ny resaka. Eo ihany koa ny fanamboarana ny lalàm-pifidianana na ny “code electoral” eo anivon’ny Anjerimanontolo, fanatsarana ny toeram-piasana. Takian’ny mpianatra manokana kosa ny fandoavana ny vatsim-pianarana ara-potoana, ary tokony hifanaraka amin’ny vidim-piainana, toeram-pianarana sy fitaovam-pianarana mifanaraka amin’ny rafitra LMD, fanatsarana ny « connexion internet », fanatsarana ny toeram-ponenana sy fampidinana ny hofan-trano ho 10 000 Ar ny “cité” tranainy ary 20 000Ar ny vaovao, fanalana ireo olona tsy mpianatra mipetraka eny, fampidinana ny saram-pisoratana ara-pedagojika ao amin’ny fakioliten’ny teny aman-tsoratra na ny FLSH sy ENS mba hitovy amin’ireo fakiolite hafa ... Ho an’ny mpandraharaha kosa, dia takian’izy ireo ny fandefasana ara-potoana ny “transfert des subventions” vola hampandehanan-draharaha, averina amin’ny taloha ka harotsaka indray mandeha ny 12 volana mba hampandeha ny raharaha eo anivon’ny oniversite ka tsy hisy ny fitaintainana lava ny mety hisian’ny fahataran’ny karama ; fampiakarana ny « Indemnité de logement » ho 300 000 Ar/ mois ; fanomezana ny « Indemnité de transport » 100 000 Ar isam-bolana… Ho an’ny mpampianatra ny fandoavana ny ora fanampiny ara-potoana sy tsy asiana fetra ny ora azo hanaovana fanambarana, fandoavana ny « Indemnité de recherche » ho an’ireo « retraités chercheurs », fangatahana ny hanafoanana ilay « arrêté ministériel » ao amin’ny minisiteran’ny vola sy ny tetibola izay manakana ny « avancement, reclassement, aménagement et recrutement des fonctionnaires ».

Toky R

Tia Tanindrazana

Samia mijoro ho an'i Gasikara.