Actualités

FIM andiany faha-10 Manandratra hatrany ny vita Malagasy

Actualités
Alakamisy 19 Febroary 2015

Hotanterahina ny 07 ka hatramin�ny 10 mey ho avy izao indray ny andiany fahafolo amin�ilay Foara iraisam-pirenena eto Madagascar (FIM) hatao etsy amin�ny Parc des expositions Forello Tanjombato

. Mifanindran-dalana indrindra amin’ny fahasivy taona niarahan’ny komity mpikarakara tamin’ny pavillon France niasa izy io, entina hanamafisana hatrany ny fiaraha-miasan’ny firenena roa tonta. Tombony lehibe ho antsika eto Madagasikara izany, araka ny fanazavana azo omaly. Ankoatra ny fampandrosoana ny lafiny ara-toekarena amin’ny alalan’ny fanandratana ny vita Malagasy mantsy dia hiitatra hatrany ny fiaraha-miasan’ny roa tonta ka anisan’ny tena hahazo vahana amin’izany ireo orinasa ao amin’ny Nosy rahavavy La Réunion. Ho avy handray anjara amin’ny FIM avokoa ny ankamaroan’izy ireo hanatevina ny fiaraha-miasany amin’ireo orinasa Malagasy. Tanjona ny hahafahana mifanakalo traikefa ankoatra ny fifanohana amin’ireo fiaraha-miasa azo hatao rehetra ho fampandrosoana ny firenena. An-jatony ireo tranoheva handray anjara amin’izany.

Pati