Actualités

Fikarohana nokleary Fitaovam-pampandrosoana ho an�ny fiarahamonina

Actualités
Talata 10 Febroary 2015

Noraisina tamin�ny lafiny ratsy manapotika hatrany ireo asa notanterahan�ireo ivontoeram-pikarohana nokleary tao anatin�ny taona maro. Manaporofo izany ny zava-misy eto Madagasikara efa ho 40 taona izao

. Tsy nahazo avara-patana mihitsy ny resaka famokarana angovo nokleary manomboka any amin’ny toerana fanaovana fanandramana hatrany amin’ny fanomezan-danja ireo mpikaroka. Niroborobo ihany anefa ny sampam-pianarana siansa fizika hatramin’ny taona 1975 nijoroany teto Madagasikara ary efa azo antoka ireo solofo mpandimby eo amin’ity sehatra ity, hoy ny tale jeneralin’ny «Institut National des Sciences et Techniques Nucléaires» Andriambololona Raoelina. Nosokajiana ho fitaovam-pampandrosoana ny fiarahamonina maharitra rahateo ny nokleary nanomboka tamin’ny taona 1987. Nahazo vahana taorian’izay ireo voka-pikarohana isan-karazany momba ny lafiny fahasalamana, informatika na koa ny fambolena ara-nokleary. Miatrika asa fikaonan-doha eto Antananarivo mandritra ny 5 andro ireo mpikaroka sy manampahaizana avy amin’ny firenena 10 mandinika ireo asam-pikarohana samihafa maharitra sy ny tambajotran’ireo ivontoerana nokleary, araka ny tetikasa Raf/0/042/.

Ramano F.

Sary fampihaingoana : Fanokafana ny atrikasam-paritra teny amin’ny MAE Anosy