Actualités

Fifaninanana soratononina Malagasy no 2 voalohany erantany

Actualités
Zoma 30 Mey 2014

Tena mahay ny Malagasy ary voaporofo izany tamin�ny dingan�ny fifanintsanana tamin�ny fifaninanana teny frantsay �Les timbr�s de l�orthographe�.

Fifaninanana iraisam-pirenena izy ity ary nisy 1174 ireo mpandray anjara tetsy amin’ny Alliance Française Andavamamba ny 05 aprily lasa teo. Nisongadina tanteraka isika tamin’ny taranja soratonina satria Malagasy no 2 voalohany erantany rehefa nampitahaina ny kopia rehetra. Tany Frantsa moa no nanaovana ny fitsarana ka i Rakoto Danielle Aurore sy Mamy Patrick Aziz izay samy Malagasy no vitsy fahadisoana indrindra. Araka ny fitsipiky ny fifaninanana dia i Rakoto Danielle Aurore no hisolotena an’i Madagasikara sy Afrika iray manontolo amin’ny dingan’ny famaranana any Frantsa ny 14 jona izao. Raha ny rariny sy hitsiny dia tokony hanana anjara toerana amin’izany koa i Aziz Mamy Patrick izay laharana faharoa erentany tamin’io dingan’ny fifanintsananana io. Tsy afa-manoatra anefa ny tenany satria iray isaky ny kaontinanta ihany ny solotena. Misy ny tsirim-panantenana ny hahazoantsika ny laharana voalohany raha io vokatra io no jerena. Na ho inona anefa ny valin’ny dingana famaranana dia efa maneho ny fahavononany handray anjara amin’ny «Les timbrés de l’orthographe» taona 2015 i Rakoto Danielle Aurore.