Actualités

Fasan�ny Kar�na Amin�ny andro antoandro ny jiolahy no manakan-dalana

Actualités
Talata 28 Desambra 2010

Tsy tahotra tsy henatra intsony ny an’ny jiolahy amin’ny fanatontosana ny asa ratsiny. Amin’ny andro antoandro be nanahary ary eo imason’olona maro koa no efa misy ny mpanakan-dalana. Miova kely fotsiny ny endrika isehoan’izany. Mody milalao eo afovoan-dalana ry zalahy na koa manao ireny fampisehoana kely amoron-dalana ireny. Mazava ho azy fa miteraka fitohanana izany. Eo amin’izany ny sasany no manomboka mitily tsikelikely ireo fiara izay tsy mihidy sy misy entana azo sintomina ao anatiny. Poa toa izay dia vita ny fanendahana manomboka eo. Maro no efa lasibatry ny asan-jiolahy toy izany. Tonga teny amin’ny polisy ny fitarainana ary nanomboka teo ny famandrihana ireo olon-dratsy. Olona sivy no voasambotra momba ity tranga ity. Nohadihadiana eny anivon’ny polisin’i Mahamasina izy ireo nanomboka omaly ary nilaza fa telo ny olona efa voaendaka anaty fiara, ny andron’ny nisamboran’ny polisy azy ireo.

r.d