Actualités

Fandoavan-ketra ataon’ny mpivarotra Tokony hisy ny tamberim-bidy sy fiahiana ara-tsosialy

Actualités
Zoma 08 Jona 2018

Nandritra ny fitakiana nataon’ny Fikambanan’ny Mpivarotra Mitovy Fijery (FMMF) tetsy amin’ny Hotely Ny Railovy Andohan’Analakely no nanambaran’izy ireo ny rindran-daminy ny amin’ny resaka hetra aloa.

Nisy ny soso-kevitra ny amin’ny tokony ho tamberim-bidy ny amin’ny hetra alaina amin’ny mpivarotra. Betsaka mantsy ireo mpivarotra amoron-dalana tsy ara-dalàna izay tsy ao anatin’ny faritry ny tsena no tsy mandoa hetra. Mila mandoa hetra avokoa anefa ny mpivarotra rehetra raha ny tokony ho izy. Ho an’ireo mpandoa ara-dalàna dia tokony hisy ny tamberim-bidy amin’izy ireo. Ohatra amin’izay ny tokony hanamboarana sy ny hanatsarana tsena. Mila hita mivaingana ny tombontsoa azo ho an’ireo mpandoa hetra ara-dalàna, saingy hatreto dia tsy misy izany. Nanambara ihany koa izy ireo fa tokony hisy ampahany mankany amin’ny fiahiana ara-tsosialy tahaka ny hoe CNAPS ny fandoavana ny hetra tambatra ataon’izy ireo mba ho fitsinjovana ny fahanterana rahatrizay satria iaraha-mahalala fa tsy mba misy ny retirety ho azy ireo.

Tsiry