Actualités

Fanampiana ny sehatra tsy miankina Hanome 14 tapitrisa dolara ny Banky Iraisam-pirenena

Actualités
Alarobia 25 Febroary 2015

Hanome vola 14 tapitrisa dolara ho an�ny sehatra tsy miankina eto Madagasikara ny banky iraisam-pirenena. Izay no nisongadina tamin�ny fihaonan�ny minisitry ny indostria sy fampiroboroboana ny sehatra tsy miankina Narson Rafidimanana sy ny solontenan�ny banky iraisam-pirenena eto amintsika Rtoa Coralie Givers omaly.

Atokana amin’ny fanamafisana ny fifampiresahana eo amin’ny fanjakana sy ny sehatra tsy miankina ny 11 tapitrisa dolara amin’io, raha toa ka natao hanatsarana ny tontolon’ny fandraharahana kosa ny 3 tapitrisa dolara ambiny. Heverina fa hanatsara ny filaharan’i Madagasikara ao anatin’ilay mari-pandrefesana ny tontolon’ny fandraharahana « Doing Business » izao fanampiana atao izao. Ho eo anilan’i Madagasikara hatrany amin’ny fampivoarana ny toekarena ny banky iraisam-pirenena, hoy Rtoa Coralie Givers ary nanome toky izy fa hitohy ny fifanakalozan-kevitra eo amin’ity fikambanana mpampindram-bola iraisam-pirenena ity sy ny sehatra tsy miankina Malagasy. Tsy mbola fantatra mazava kosa anefa ny hahazoana io vola fanampiana io.

Nangonin’i RTT