Actualités

Partagé sur :
• facebook

Ny zandary misahana ny heloka be vava no mandray an-tanana ny fanadihadiana manodidina ny fanafihana ny volan’ny orinasa Keangnam ao Tsararivotra, mitentina 400 tapitrisa ariary latsaka kely farany teo.

Efa tafiditra ao anatin’ny Distrikan’i Toamasina II rahateo no nitrangan’ny fanafihana. Araka ny fantatra dia olona enina no henoina mikasika iny fanafihana iny, ka Koreana ny roa amin’ireo, Filipiana ny iray ary Malagasy ny telo. Ireo Efatra farany ireo dia misahana ny fiarovana eo anivon’ny Keangnam avokoa, ary raha ny vaovao fantatra aloha hatreto dia ny fahasahiana tamin’ireto mpiambina manokan’ny Keangnam ireto no tsy nahalasa ny vola karaman’ny mpiasa volana desambra iny.

Ankoatra izay, dia tsiambaratelo no nahafantarana izao fa misy ifandraisany tamin’ireo jiolahy nanafika ny mpivarotra firavaka tao Bazary be ireto jiolahy efatra nanafika ny volan’ny Keangnam ireto ; porofon’izany ny bala nampiasainy izay kalaky 7,6mm (tena an’ny tafika ny laharany) sy bala na basy manokana PA 9,5mm (tena an’ny mpitandro ny filaminana ny nomeraony). Io tsiambaratelo io ihany koa no nahalalana fa misy olona ambony avy eto Antananarivo mifandray tendro amin’ireo jiolahy ireo, satria toa voalaza fa mpiambina manokana io olona ambony io ireto mpitarika ny fanafihana ireto. Manamarina izany ny fiara 4x4 hitan’ny olona nentin’ireo jiolahy nirifatra tao Betainomby. Tsiambaratelo farany voalaza, dia mbola ao Toamasina ireo jiolahy ireo hatramin’izao, ary manomana asa ratsy hatao indray taorian’ny tsy fahombiazan’ny fanafihana ny karaman’ny mpiasan’ny Keangnam tao Tanandava. 

Tia Tanindrazana

Samia mijoro ho an'i Gasikara.