Actualités

Fanadiovana etsy Tsiazotafo Handraisana fepetra entitra izay mibilila

Actualités
Zoma 27 Jolay 2018

Nampatsiahy farany tetsy amin’ny biraony etsy Andravoahangy omaly ny delegen’ny Boriboritany fahatelo, Rado Andriamamonjisoa, fa hisy fandaminana tsy maintsy atao manomboka etsy amin’ny “irresistible” hatrany amin’ny Total Tsiazotafo

, araka ny vinan’ny ben’ny tanàna, Lalao Ravalomanana . Izany no atao dia nohon’ ny fahitana ny fikorotanana sy ny fahateren’ny lalana noho ny fisian’ireo fiara mijanona tsy nahazoana alalàna amin’ny CUA, indrindra ireo fiara maro maty mipetraka eny; Eo koa ny fisian’ny ireo mpivarotra hanimasaka maro mivarotra eny amoron-dalana izay miteraka tsy fahasalamana ho an’ny olona, hoy ity delege ity. Manao antso avo ny olona rehetra mampiasa io lalana io (tranombarotra, mpivarotra hanimasaka sy ireo fiara mijanonana tsy nahazoana alalana ary ny sarety mivezivezy mitatitra entana amin’ny ora tsy ara-dalana) ny delege mba hiala eo amin’ireo toerana ireo, manomboka anio amin’ny 6 ora maraina fa hisy ny fanadiovana izay ataon’ny kaominina Antananarivo Renivohitra. Hisy ny fepetra enjana ho raisina amin’ireo tsy manaraka ny fandaminana ka ho raofina ireo fiara sy ny entana mbola hita fa mijanona eny. Tsy tokony hisy hilaza intsony, hoy izy, fa tampoka ny fanapahan-kevitra satria efa hatramin’ny alatsinainy no nampandrenesina.

J. Mirija