Actualités

Epicerie Voatafika Nanjifa ny vola 4 hetsy Ariary niampy entana maro

Actualités
Sabotsy 24 Mey 2014

Nitrangana fanafihan-jiolahy tao amin’ny Fokontany Tsimenatse Toliara afak’omaly alina. “Epicerie” iray no nisy namaky ka very tamin’izany ny vola efatra hetsy Ariary niampy entana maromaro zakan’ny olon-dratsy tao amin’ity toeram-pivarotana ity. Raha ny fanazavan’ny niharam-boina dia tsy naheno na inona na inona izy ireo tamin’io alina io. Na ny alika teo an-tokotany aza tsy nivovo. Mety nanao fonoka ody gasy ireo mpamaky trano. Marihina fa ity “Epicerie” ity dia afovoan-tanàna ary amin’ny efitra akaiky eo ihany no matory ny tompony, ka maraina vao samy gaga fa nanjifa ny vola sy ny entana sasany. Nahazo laka indray ny vaky trano sy ny halabotry tao Toliara tato ho ato.