Actualités

Dian�i Andry Rajoelina tany Toamasina Lanonam-panjakana sa raharahan�ny mpinamana ?

Actualités
Talata 15 Febroary 2011

Nanaitra ihany ny fipetraky ny arofenitra nandritra ny lanonana fitokanana sy fametrahana ny vatofototry ny fanamboarana fotodrafitrasa tao Toamasina ny sabotsy 12 febroary teo, nidinan�i Andry Rajoelina mivady sy mpikambana vitsivitsy avy eo anivon�ny governemantan�ny Fahefana Avon�ny tetezamita, tany an-toerana.

Misy mpandraharaha hitanao mipetraka eny anelanelana ministra, toy izany koa ny talen’ny kabinetra any afovoamboan’ny olon’ny governemanta any, raha tsy hanamarika afa tsy ireo. Zavatra bitika ho an’ny sasany izany ary mety tsy hahoany akory nefa mahasarotiny ny hafa. Anisan’ny olona tena sarotiny amin’ny fanajana ny arofenitra eo amin’ny fanaovana lanonana ara-panjakana, ohatra i Said Kananaky, kaomisera efa misotro ronono. Ankehitriny moa izy dia mpampiofana an’ity resaka arofenitra ity eny anivon’ny Etamazaoro, ny mpitsara mpirakidraharaha sy eny amin’ny sampandraharaha fitakian-ketra sy ladoany ihany koa. Ka mipetraka ihany ny fanontaniana eo anatrehan’ny toe-javatra toy izany hoe : lanonam-panjakana tokoa sa raharahan’ny mpinamanamana iny natao tao Toamasina iny ?

Jean D.

Sary : Fipetraky ny arofenitra nandritra ny dian’i Andry Rajoelina tao Toamasian ny sabotsy 12 febroary 2011