Actualités

�Cantine scolaire� mendrika Sekoly 1247 no mifaninana

Actualités
Alarobia 04 Jona 2014

Raikitra indray ny fifaninanana �cantine scolaire� maodely andiany faha-3.

Sekoly ambaratonga voalohany miisa 1247 avy amin’ny faritra Androy, Anosy ary Atsimo Andrefana izay samy mahazo fanohanana ara-tsakafo avy amin’ny PAM no mandray anjara. Anisan’ny hojerena manokana amin’ireo mpifaninana ny tahan’ny fidirana an-tsekoly, ny tahan’ny fitsoahana an-daharana ary ny tahan’ny fahombiazana amin’ny fanadinam-panjakana. Anisan’ny masontsivana hojeren’ny PAM sy ny Ministeran’ny fanabeazana koa ny fitantanana ny “cantine scolaire” sy ny hatsaran’ny foto-drafitrtasa toy ny efitrano, ny trano fitehirizana, ny trano fisakafoana ary ny lakozia indrindra indrindra. Zaraina disksionera, tabilao, latabatra ary seza izay sekoly mendrika. Marihina fa fanentanana ny fampidirana an-tsekoly sy fanatsarana ny fari-pahaizan’ny mpianatra no tanjona amin’ny alalan’ny tohana ara-tsakafo tanterahan’ny PAM. Amina faritra iharan’ny tsy fahampiana ara-tsakafo avokoa no misy ireo sekoly 1247 izay misy mpianatra 219 000.