Actualités

BANKY BFV -SG Hanohana ireo tanora mpianatry ny IT University

Actualités
Talata 03 Martsa 2015

Hiara-kiasa akaiky manomboka izao ny sekoly ambony IT University etsy Andoharanofotsy sy ny Banky BFV-SG eto amintsika. Zavatra maro loha no hiompanan�ny fiaraha-miasan�ny roa tonta toy ny fanomezana stage na

fianaran’asa ho an’ny mpianatry ny IT University izay havanana manokana amin’ny fikirakirana ny taranja informatika avo lenta. Maharitra hatramin’ny enim-bolana izany ankoatra ny fandraisana avy hatrany ireo mpianatr’ity sekoly ambony iray ity ho mpiasan’ny banky BFV-SG ho an’ireo izay liana amin’izany. Toraka izany koa ny fanomezana ireo mpianatra ireo ilay fampindramam-bola antsoina hoe : “Soafeno mpianatra” raha araka ny fanazavan’ny tale lefitry ny banky Andriamatoa Mickael Pages hahafahan’izy ireo manatontosa ny tetikasany na koa manohy ny fianarany hatramin’ny farany mihitsy ho fitsinjovana ireo ray aman-dreny. Nambaran-dRobinson Olivier rektioran’ny IT University moa fa manosika hatrany ny mpianatra hiditra eo amin’ny sehatry ny matihanina izao fiaraha-miasan’ny roa tonta izao. Tontosa omaly ny fifanekem-piaraha-miasa teo amin’ny roa tonta.

Pati