Actualités

Antsiranana Mampihoroho indray ny FOROS

Actualités
Talata 14 Desambra 2010

Mandravarava ny FOROS, fikambanan-jiolahy tanora mahery setra, ao Antsiranana ao. Maro no lasibatra. Tao no naratra, nisy namoy ny ainy mihitsy aza, tao ireo very fananana toy ny nanjo ity mpiasan’ny «Finances» ao Antsiranana ny alakamisy 09 desambra lasa iny. Nitondra moto «scooter» ndeha hamonjy fodiana izy no notahifin’ny FOROS tamin’ny torabato raha nandalo ny lalana somary maizimaizina akaikin’ny kianja Mitabe. Amin’ny fito roa hariva ny andro tamin’io. Nisy ny hetsika nataon’ny mpitandro ny filaminana hamerenana ny fandriampahalemana ao an-tanàna, satria dia efa maro loatra ny fitarainana voarain’izy ireo. Tafakatra 30 tany ireo zaza maditra voasambotra tamin’ny herinandro iny. Feno hipoka hatramin’ny «violon». Anisan’ireo voasambotra i Socobis, izay mbola tanora tokoa nefa nitombo tao am-pigadrana noho izy mivoaka sy miditra ny fonja. Betsaka ihany izay ezaka nandravana ireto FOROS ireto fa ny eo voasambotra, ny eo mirongatra ihany mampihorohoro ny tanàna, asa mila olona toy ny lehiben’ny Emmo-Reg eto Antananarivo koa angamba any vao hilamina.

Jean D.