Actualités

Antsahamanitra Tsy voapetaka ny �taquet d'arr�t�, niala maina ny polisy

Actualités
Talata 14 Desambra 2010

Fitaovana vaovao ampiasain’ny polisy monisipaly ny «taquet d'arrêt», karazana farango vy afehy ny kodiarana, tsy ahafahan’ny fiara mihetsika. Ireo fiara tsy manaja ny lalàn’ny fifamoivoizana, indrindra ny fiantsonana etsy sy eroa no asiana azy ity, ho fananarana ny tompony na mpamily azy. Asa anefa izay nanjo ireto polisy tetsy antampom-piakarana Antsahamanitra ny sabotsy 11 desambra teo, fa dia niala maina nanoloana ity fiara Toyota Hilux ana deba iray, nanararaotra niantsona tamin’ny toerana tsy azo ijanonana. Navoaka ny «taquet d'arrêt» nafehy ilay kodiarana. Nandramana avokoa na ny kodiarana teo anoloana na ny teo aoriana saingy tsy nety napetaka ilay fitaovana. Lehibe loatra ny kodiarana raha ny fahitana azy ka tsy voafehy. Niala maina ny polisy, hany hery dia niteny am-bava ny mpamily ary nanome taratasy “contravention” toy ny mahazatra.

Sary : Niala maina ny polisy raha nikasa hametaka “taquet d'arrêt” tamin’ity fiara ity.