Actualités

Antananarivo sy ny manodidina Misedra olana famatsian-drano koa

Actualités
Alakamisy 11 Aogositra 2016

Andro vitsivitsy izay no efa nisedra olana famatsian-drano ireo toerana maromaro eto amin�ny tan�nan�Antananarivo Renivohitra sy ny manodidina.

Manomboka amin’ny 6 ora maraina dia efa sarotra ny fahazoan-drano ary tsy miverina amin’ny laoniny raha tsy ora maro aty aoriana. Hita ho mijaly mihitsy ny vahoaka mameno ireo siny mitandahatra lavabe manoloana ny paompy fanovozan-drano. Anisan’ny lasibatra manokana moa ireo vehivavy mpikarama mivelona amin’ny fanasan-damba. Tsy misy azon’ny mpanjifa hatao rahateo anefa afa-tsy ny mitady vahaolana manoloana ny zava-misy toy ny fahatapahan’ny jiro izay efa lasa mandrafitra ny fiainana andavanandron’ny fiarahamonina Malagasy. Fahasimban’ny fitaovana famatsian-drano eny Anosizato no anton’io tsy fahampian’ny fitobaky ny rano io, araka ny fanazavana nomen’ny teo anivon’ny Jiro sy Rano Malagasy. Efa miroso amin’ny fanamboarana izany moa ny orinasam-panjakana ka hiverina tsy ho ela ny famatsian-drano, araka ny fanampim-panazavana.

Nangonin-dRamano F.