Actualités

Antananarivo Avaradrano Nahazo fotodrafitr’asa vaovao 5

Actualités
Alakamisy 26 Jolay 2018

Mila mifanome tanana isika mba hahafahana manaisotra ny firenena amin’ny krizy niainana nandritra ny 50 taona, hoy ny filoham-pirenena Hery Rajaonarimampianina nandritra ny fitokanana ireo fotodrafitrasa fototra miisa 5 teny amin’ny distrikan’Antananarivo Avaradrano omaly.

Mila mandray andraikitra isika tsirairay avy mba handresena ny fahantrana, hoy izy ary ny fananganana fotodrafitrasa tahaka izao no manaporofo fa misikimponitra amin’ny fampandrosoana ny tontolo ambanivohitra ny fitondram-panjakana. Efa vonona ihany koa ny vola hanamboarana ireo lalana rehetra miditra an’Antananarivo ka anisan’izany ny avy eny Sabotsy Namehana. Hanomboka tsy ho ela ny asa, hoy izy. Notokanana omaly moa ny birao vaovao ho an’ny kaominina Anosy Avaratra izay nandaniana 130 tapitrisa ariary. Teo ihany koa toeram-panofanana arak’asa ho an’ny vehivavy ao Antsofinondry ary ny efitrano fianarana vaovao ho an’ny CEG Sabotsy Namehana niampy ampahan-dalana ary toeram-pivarotana ho an’ny tsena.

RTT