Actualités

Anosipatrana Fiara 4x4 nitsoraka tao Ikopa

Actualités
Talata 22 Aprily 2014

Tsy nampino ny zava-nitranga teny amin’ny digin’Anosipatrana ampitan’ny fanasana fiara ny alahady hifoha ny alatsinain’ny paska tokony ho tamin’ny 1ora 30 maraina. Nilatsaka tao anaty rano ny fiara tsy mataho-dalana iray avy any Ampasika hihazo an’Anosizato. Vato be sy kisilasila anefa no teo anelanelany. Raha ny fijery azy ety ivelany dia tokony hivadibadika ilay fiara. Olona dimy no tao anatiny, vehivavy ny roa. Ilay vehivavy iray no nisy kiaka ny handriny fa ny ankoatra izay tsy naninona. Raha ny filazan’ilay mpamily dia avy nisotrosotro izy ireo ary nandeha mafy nefa tsy dia za-dalana eto an-drenivohitra. Efa nalaina tao ilay fiara omaly antoandro.