Actualités

Ankoba Ambinanikely-Tolagnaro Ankizy 3 natelin'ny ranomasina, avotra ny 2, tsy hita ny iray

Actualités
Talata 24 Febroary 2015

Manomboka masiaka ny ranomasina ao Ankoba Ambinanikely any Taolagnaro amin'izao fotoana izao. Ankizy 3 mianadahy indray no natelin'ny ranomasina ny alahady tolakandro teo.

Raha sendra nilalao teo amoron-driaka ireo ankizy maro be no nisitaka lavidavitra ny ranomasina. Variana ny seho toy izany ireo mpitsangantsangana. Tao anatin'izany no nohararaotin'ireto kilonga ireto nilalao lavidavitra teny amoron-dranomasina. Tampoka teo, nalentiky ny onjan-dranomasina ireo kilonga telo ireo. Ny roa avotra soa aman-tsara izay mbola manaraka ny fitsaboana ao amin'ny hopitaly Philibert Tsiranana Amboanato. Ny iray lahy kely, tsy mbola hita fa eo am-pitadiavana azy ny mponina. Marihina fa saika maka olona ity torapasiky Ambinanikely Ankoba ity isan-taona. Mitaona ny mpitsangantsangana mba ho mailo ny sehon-javatra toy izany.

OTH